Ma mecht wos doa, denkt umanand,
macht se an Plan, der hihaun kannt.
Bevor ma loslegt, mecht ma gern
de Meinung vo Bekannte hern.
Se vergewissern, ob s so paßt
und se in d Tat umsetzen laßt.
Da erste wählt an Slalomkurs:
"Ja, ja, des hod scho Hand und Fuaß.
Im Kern is des a guader Plan,
wenn aa Details no offen sann.
Vastehst mi do scho recht:
Ned daß i Dir obratn mecht."
Da nächste is voi überzeugt:
"A Riesensach, wenn de moi steigt!
Genau so muaßt d as macha.
Ziags durch! Laß s sauber kracha!"
A dritter sogts oam grod ins Gsicht:
"Na, des is koa guade Gschicht!
Des is a Schmarrn, laß liawa bleibn.
Des werd nix, konn i unterschreibn."
No oana sogt: "I woaß ned,
ob des oiss so einfach geht.
I konn dazua ned sehr vui song,
miassast jemand andern frogn.
I wui a Wertung aa vameidn:
Letztlich muaßt a s Du entscheidn."
Noch so am Irrgang merkt ma wieder:
As einge Gfuih is s Auf und Nieder.
Drum frogt ma liawa erst um Rat,
nochdem ma se entschiedn hod.
Ratgeber
28.11.13, 23:44
So isses! :D
29.11.13, 00:12
Genau, stimmt :D
29.11.13, 00:20
...so gengan de Gang :)
29.11.13, 08:31
Powered by Invision Power Board(U) v1.2 © 2003 IPS, Inc.